जैस–ए–मोहम्मद आतंकवादी संगठन अब चीनकालागि समेत खतरा

एजेन्सी : इकोनोमिक टाइम्समा छापिएको रिपोर्ट अनुसार पाकिस्तानस्थित आतंकवादी संगठन जैस–ए–मोहम्मद चीनको चिन्ताको विषय बनेको छ।

जैस–ए–मोहम्मदका प्रमुख मसुद अजहरप्रति चीनले आफ्नो धारणा परिवर्तन गरेसँगै उक्त आतंकवादी संगठन चीनको लागि खतरा सावित भएको विश्लेषण गरिएको छ।

गत महिनाको १४ तारिखमा भारत प्रशासित कस्मिरको पुलवामा जिल्लामा भएको आतंकवादी आक्रमणमा ४० भारतीय अर्धसैनिकको मृत्यु भयो।

त्यस आक्रमणको जिम्मा पाकिस्तानी भूमीबाट आतंक गतिविधी गरिरहने संस्था जैस–ए–मोहम्मदले लियो।

भारतले यस समूहलाई विश्व स्तरमै आतंकवादी घोषणा गर्ने बताइरहँदा चीनले यस समूहलाई आतंकवादीको रुपमा नहेर्ने बतायो। चीनले भारतविरुद्ध भिटो प्रयोग गर्यो।

तर, संयुक्त राष्ट्रसंघ सुरक्षा परिषदले नै जैस–ए–मोहम्मदलाई आतंकवादी घोषणा गर्दै घटनाको निन्दा गरेपछि चीनले आपत्ति जनाउन पाएन। किनभने चीन आफै राष्ट्रसंघ सुरक्षा परिषदको महत्वपूर्ण सदस्य हो।

यससँगै जैस–ए–मोहम्मद चीनसँग रुष्ट भएको बताइएको छ। भारत र पाकिस्तानबीच विवाद भइरहने कस्मिरमा चीनको समेत नियन्त्रित क्षेत्र छ। जहाँबाट चीनले व्यापार गर्दछ।

आतंकवादीले चीन र पाकिस्तानको इकोनोमिक कोरिडरलाई निशाना बनाउन सक्ने आशंका गरिएको छ।

Facebook Comments Box

You May Also Like

Leave a Reply

Your email address will not be published. Required fields are marked *